كنت فالسوق الممتاز انا وختي البارح وحنا نشوفو واحد الشعر تبارك الله وماشاء الله كيهبل أينا طول واينا رطوبة وكثافة واللون شكلاطي نحاسي ومولاتو قابطاه بقراصة كل شوية كتزلق ليها....سولتها اشمن لون دايرة لشعرك وهي تصدمني...
السلام عليكم
كنت فالسوق الممتاز انا وأختي البارح وحنا نشوفو واحد الشعر واحد الشعر تبارك الله ولا قوة الا بالله وماشاء الله كيهبل أينا طول واينا رطوبة وكثافة واللون شكلاطي نحاسي ومولاتو قابطاه بقراصة كل شوية كتزلق ليها وكتعاود تجمعو تاني
ولينا انا وختي غير تابعينها والناس الأغلبية كليتفتو
المهم ما صبرت وقررت نسولها على نمرةالصباغة والماركة
قلت ليها السلام عليكم أختي بغيت غير نسولك وما ديرهاش مني قلة الصواب قالت لي سولي قلت ليها باش من نمرة كتصبغي شعرك
وهنا تصدمت
لان الأخت ما كتصبغش شعرها وانما كتعمل قشور البصلة الرقاق كتتبخهم وتشلل بيهم شعرها ومخلطة ذاك ألما حتى مع الشامبوان وقالت لي انها متبعاها سنين هذي وهي لي عطاتها اللون وحتى الكثافة
المهم هانا خدامة كنجمع فالقشور الله يجعلهم ياكلو بصلة وزبيب كل نهار هههه
اختي دارتها اليوم عطاتها des reflets roux acajou فنين شهاتني نجرب دغيا غير مابغيتش نعري كاع البصلة لي عندي
المهم اللون مضمون مع المداومة
بالنسبة لقشور البصل القاصحين اليابسين اللي لونهم احمرالحل ساهل ومفيد
يالله السلام عليكم.
ليست هناك تعليقات:
إرسال تعليق