القمل هاجم هذه الأيام على الأطفال أو مساكن كيبقاو غير كيحكو…جبت ليك اقوى علاج مجرب..
السلام عليكم عزيزاتي ،
اليوم جبت ليكم واحد الوصفة لي خاص كل الامهات يعرفوها،
مع ذهاب بناتنا للمدرسة واخا يكون شعر بنتك كيف ما كان القمل ولابد منو لانهم كيتعداو من بعضهم فالمدرسة ،
والشيء المعروف ان القمل كيقلب على الشعر النقي ،
اليوم جبت ليكم واحد العلاج لي رائع ومجرب والنتائج ديالو فعالة.
وقبل منبداو فالوصفة عندي ليكم واحد النصيحة لي كنعملها شخصيا لبنتي باش متعرضش للعدوى،
هي انني دائما فاش كنوجدها باش تمشي للمدرسة كندهن ليها بقطرات من الزيت الاساسي ديال الخزامى من مورا ودنيها وفوق شعرها و لكن حاولو متكتروش غير قطرة وحدة ديروها فيديكم ووزعوها على الاذنين وكذلك على الوسط ديال الراس حيث زيت الخزامى كيمنع العدوى.
اول وصفة هي :
الخل،كتشدو الخل دفيوو وديروه فشعر بنتكم قبل مادوشو ليها تقريبا بساعة،
وتغطيو الشعر بالورق الغذائي،وخليوه ساعة كاملة،
من بعد غسلو ليها شعرها بشكل عادي بالشمبوان والمشط الرقيق.
الوصفة الثانية هي:
الفازلين كتشديها ودهنيها فشعر بنتك او لدك مزيااان،
وغطي الشعر كذلك بالورق الغذائي وخليه لمدة ساعة،
وقبل ماتغسلي الشعري دوزي عليه بالمشطة الرقيقة مزيااان مزيان ،
ويتغسل الشعر بالطريقة العادية.
هاد الطرق راها جدا فعالة في القضاء على القمل ،
ساهلين وطبيعيين ،كنصحكم تجربوهم وردو عليا الخبار
ليست هناك تعليقات:
إرسال تعليق